المليونير شاف بنت صغيرة

الفصل الأول
في عالم كله فلوس وسلطة كان في راجل شايف إن كل حاجة ليها تمن حتى القلوب.
جواد الهلالي اسم لوحده كفاية يفتح أي باب مقفول.
من أهم رجال الأعمال في البلد غني، وسيم، ومغرور لدرجة تخوف.
كان عنده مبدأ غريب
أي بنت تعجبه يتجوزها
وبعدها طلاق.
وكل واحدة كانت بتطلع من حياته ومعاها مؤخر كبير كفاية تعيش بيه العمر كله.
ولا واحدة فيهم قدرت تقربله

ولا واحدة هزته
لحد ما ظهرت زهرة.
زهرة
بنت بسيطة ملامحها هادية وفي عينيها حزن قديم.
يتيمة الأب والأم وعايشة مع جدتها العيانة بقالها سنين.
كانت شغالة خدامة في شركة جواد
بتمشي في هدوء تتجنب الكلام وكأنها عايشة في عالم لوحدها.
الكل كان فاكر إنها خرساء
مش بتتكلم ولا حتى بتحاول.
في يوم
جواد كان واقف من بعيد، عينه وقعت عليها

وهي بتنضف المكتب.
وقف يتأملها شوية
بعدين قال بصوت هادي بس فيه أمر
البنت دي تبقى عندي الليلة.
السكرتيرة اتفاجئت
تقصد نتجوزها؟
رد ببرود
زي كل مرة.
الخبر وصل لزهرة

وقفت قدامهم، ساكتة بس عنيها بتتكلم.
السكرتيرة حاولت تفهمها
جواز يوم واحد وبعدها تاخدي مؤخر كبير مبلغ عمرك ما تحلمي بيه.
زهرة بصت للأرض إيديها بتترعش.
صورة جدتها وهي على الســ,رير مبتفارقش خيالها
الديون العلاج الخوف من بكرة.
رفعت عينيها وهزت راسها بالموافقة.
الليلة دي كانت مختلفة.
مش بس بالنسبة لزهرة
لكن لجواد كمان.
دخل عليها الأوضة لقاها واقفة في هدوء، لابسة فستان أبيض بسيط.
قرب منها
بص في عينيها وسأل بنبرة

غريبة عليه
إنتِ مش خايفة؟
زهرة ما ردتش بس عنيها لمعت بحاجة ما اتفسرتش.
جواد حس بحاجة غريبة جواه
مش شفقة
مش رغبة بس
حاجة أول مرة يحسها.
الليلة عدت
لكن مش زي أي ليلة قبل كده.
كانت أهدى أعمق
وفيها إحساس مش مفهوم.

مع أول خيط نور للفجـ,ر
جواد فتح عينه
مد إيده ملقهاش جنبه.
قام بسرعة بص حواليه.
زهرة؟!
مفيش رد.
على الكومودينو
كان في شيك بالمؤخر ومفتاح الأو,ضة.
لكن زهرة اختفت.
حتى ما استنتش يسمع كلمة أنتِ طالق.
أول مرة واحدة تمشي من غير إذنه
وأول مرة يحس إن في حاجة اتسحبت من إيده.
نزل الشركة يدور عليها
فين البنت الجديدة؟!
الرد جه ببرود
قدمت استقالتها ومشيت يا فندم.
راح البنك بنفسه

الشيك اتصرف؟
الموظف رد
لأ يا فندم لسه.
جواد سكت وعينه ضاقت.
يعني لا خدت الفلوس ولا سابت أثر.
ومن اليوم ده
جواد قرر حاجة عمره ما عملها.
زهرة لسه مراتي ومش هطلقها.
سبع سنين عــ,دّوا

وجواد لسه بيدور.
اسمها اختفى عنوانها اختفى كأنها ما كانتش موجودة أصلاً.
لكن إحساسه ما اختفاش.
كان متأكد إن وراها سر.
في يوم ممطر
العربية واقفة في إشارة والزحمة خانقة الدنيا.
جواد قاعد ورا، باصص قدامه بشرود
تخبيط خفيف على الإزاز.
لف وشه

شاف بنت صغيرة عندها حوالي 6 سنين هدومها مقطعة وشعرها مبلول من المطر.
فتحت إيدها وفيها مناديل.
اشتري مني يا بيه عشان أجيب علاج لماما ربنا يخليلك مراتك وعيالك.
الكلمة خبطت جواه.
مراتك
حس بحاجة غريبة وجع خفيف وحنين مش مفهوم.
فتح الإزاز
اسمك إيه؟
البنت
ابتسمت رغم التعب

ليلى.
طلع فلوس كتير وادهالها.
خدي
البنت عينيها وسعت بفرحة
بجد ليا؟!
هز راسه
آه.
بص للسواق
انزل هات لها العلاج اللي هي عايزاه.
وبعدين قال فجأة
لا إحنا هنروح معاها.
السواق استغرب بس نفذ.
وصلوا قدام عمارة قديمة حالتها صعبة.
المطر كان بيغرق الشارع.
ليلى جريت وفتحت الباب بسرعة

مامااا! جبتلك العلاج!
جواد نزل وراها
وقف على الباب
واتجمد مكانه.
عينيه وسعت بصدمة
زهرة.
كانت نايمة على سرير متهالك وشها شاحب وجسمها مرهق
بس هي

نفسها.
همس بصوت مخنوق
زهرة؟
الفصل الثاني
جواد واقف مكانه
مش قادر يتحرك ولا حتى يرمش.
سبع سنين
سبع سنين بيدور عليها
ولما يلاقيها يلاقيها بالشكل ده؟!
ليلى جريت ناحية الســ,رير، صوتها كله لهفة

ماما ماما أنا جبت العلاج شوفي!
إيد صغيرة بتتهز قدام وش زهرة
اللي كانت عينيها مغمضة ونَفَسها تقيل.
جواد دخل خطوة واحدة لجوه
الأوضة ضيقة ريحتها رطوبة وكل حاجة فيها بتقول فقر وتعب.
لكن عينه ما شافتش غيرها.
زهرة.
قرب منها ببطء
قلبه بيدق بعنف غريب عليه.
زهرة

صوته كان واطي كأنه خايف تصحى وتختفي تاني.
ليلى بصت له باستغراب
إنت تعرف ماما؟
جواد ما ردش
عينيه عليها وبس.
زهرة بدأت تفتح عينيها ببطء
نظرة تايهة مجهدة
وبمجرد ما شافته
اتجمدت.

لحظة صمت تقيلة
كأن الزمن وقف بينهم.
جواد اتكلم أخيرًا بصوت مليان صدمة وغضب مكبوت
إنتي عايشة هنا؟!
زهرة ما ردتش
بس عنيها اتمليت خوف.
قام فجأة صوته علي شوية
سبع سنين! سبع سنين بدور عليكي!
تختفي كده؟!

ليلى اتخضت وجريت استخبت ورا الســ,رير
ماما هو بيزعق ليه؟!
زهرة حاولت تقوم جسمها مش مساعدها
بس رفعت إيدها بإشارة لليلى تهدى.
وبصت لجواد
نظرة فيها رجاء وخوف وكلام كتير من غير صوت.
جواد قرب أكتر

نبرته بقت أهدى بس أخـ,طر
ليه مشيتي؟! ليه مختفيتي؟!
سكت لحظة وبعدين قال بحدة
والشيك؟! حتى الفلوس ما خدتيهاش!
دمعة نزلت من عين زهرة
لكنها سكتت.
جواد فجأة بدأ يربط
عينه راحت لليلى
وبعدين رجع لزهرة

وبصوت بطيء تقيل
البنت دي
سكت وكأن قلبه خايف يسمع الإجابة.
بنتك؟
زهرة غمضت عينيها
دموعها نزلت أكتر.
جواد قلبه دق بعنف
قرب خطوة كمان صوته بقى أضعف
من مين؟
زهرة فتحت عينيها وبصت له مباشرة.
نظرة واحدة
كفاية تفهمه كل حاجة.

الصدمة ضربته.
رجع خطوة لورا
إيده على رأسه
مستحيل
بص على ليلى
ملامحها عيونها
نسخة منه.
همس لنفسه
دي بنتي

ليلى خرجت من ورا الســ,رير بحذر
إنت مالك؟
جواد ركع قدامها فجأة
بيبصلها كأنه أول مرة يشوف الحياة.
إيده اتمدت ناحيتها وبترجع في نص الطريق.
اسمك ليلى صح؟
هزت راسها
آه.
ابتسم ابتسامة مهزوزة
أنا
وقف مش عارف يقول إيه.
من وراه صوت ضعيف خرج أخيرًا

صوت زهرة
أول مرة يتسمع.
جواد
اتجمد مكانه.
ببطء لف ناحيتها.
عينيه وسعت
إنتي بتتكلمي؟!
زهرة بصت له دموعها بتنزل في صمت
مكنتش خرساء
سكتت لحظة وبعدين كملت بصوت مكسور
كنت مجبورة أسكت.
جواد قرب منها بسرعة

الغضب رجع أضعاف
يعني خدعتيني؟!
زهرة هزت راسها بسرعة
لا كنت بهرب.
من إيه؟!
بصت لليلى
وبعدين
رجعت له
منك.
الكلمة نزلت عليه زي الصاعقة.
مني أنا؟!
زهرة صوتها بيرتعش

إنت راجل بيتجوز ستات ليلة واحدة ويرميهم كنت عايزني أستنى لما ترميني أنا كمان؟!
جواد سكت
كنت حامل يا جواد
قالتها وهي بتبص له بوجع.
خفت خفت تاخدها مني أو

ترفضها أو تكسرها زي ما كسرت غيري.
جواد قلبه اتقبض
بص لليلى
اللي واقفة مش فاهمة حاجة بس حاسة إن في حاجة كبيرة بتحصل.
رجع بصره لزهرة
صوته بقى واطي جدًا

وسبتيها تعيش كده؟ في الفقر ده؟
زهرة ابتسمت ابتسامة وجع
كنت بحاول على قد ما أقدر.
صمت تقيل نزل على المكان
صوت المطر برا بس هو اللي مسموع.
جواد أخد نفس طويل
وبنبرة مفيهاش نقاش
هتيجي معايا.

زهرة بصت له بصدمة
لا.
لا؟!
مش هرجع لحياتك تاني.
جواد عينه لمعت بغضب
دي مش حياتي لوحدي دي حياة بنتي كمان!
ليلى بصت بينهم بخوف
ماما إيه اللي بيحصل؟
جواد قرب منها بهدوء غريب

أنا
سكت لحظة وبعدين قالها بحنان عمره ما استخدمه قبل كده
أنا بابا.
الصمت انفجـ,ر.
ليلى عينيها وسعت
وبصت لزهرة
بجد؟!
زهرة سكتت دموعها بتنزل
وجواد مستني الإجابة
قلبه لأول مرة متعلق بكلمة من حد غيره.
الفصل الثالث
اللحظة واقفة

والهواء نفسه تقيل.
ليلى باصة لزهرة مستنية كلمة واحدة
وزَهرة قلبها بيتقطع بين خوفها وبين الحقيقة.
جواد صوته خرج هادي بس فيه
أمر واضح
قولي لها.
زهرة غمضت عينيها
وبصت لبنتها ابتسمت ابتسامة باهتة
آه يا ليلى هو بابا.
الدنيا سكتت.
ليلى فضلت واقفة لحظة
وبعدين جريت عليه فجأة
بجد عندي بابا؟!

جواد اتفاجئ بس لقا نفسه بيحضــ,نها
حضن غريب عليه تقيل بس دافي.
إيده اترعشت وهو بيضمها
أول مرة يحس إنه مش لوحده.
همس لنفسه
معقول دي بنتي
ليلى ضحكت ببراءة
طب ليه ما كنتش معانا؟!
السؤال نزل عليه كأنه طعنة.
بص لزهرة
نظرة مليانة عتاب
اسألي مامتك.
زهرة قلبها وجعها
بس ما ردتش.
جواد قام وهو شايل ليلى بين إيديه
وبص لزهرة بنظرة حاسمة
جهزي نفسك إنتي والبنت هنمشي.
زهرة انتفضت
قولتلك مش همشي!
جواد قرب منها خطوة
نبرته بقت أخطر
وإنتي فاكرة إن عندك اختيار؟
آه عندي!
قالتها بقوة رغم ضعفها.
أنا اللي ربيت بنتي وأنا اللي هقرر تعيش فين!
جواد ضحك بسخرية خفيفة
في المكان ده؟!
بص حواليه باحتقار
ده مش عيشة بني آدمين.
زهرة بصتله بعناد
أشرف من عيشة الكذب والخداع اللي عندك.
السكوت ضـ,رب المكان تاني
جواد عينه لمعت

بس
المرة دي مش غضب بس
جرح.
قرب منها فجأة
بص في عينيها مباشرة
أنا عمري ما كدبت عليكي إنتي اللي اختفيتي.
زهرة همست
وأنت عمرك ما فهمت.
ليلى بصت بينهم بخوف
هو إنتوا بتتخــ,انقوا؟
جواد بص لها فورًا وهدى صوته
لأ يا حبيبتي إحنا بنتكلم بس.
وبعدين بص لزهرة تاني
بس المرة دي بنبرة أهدى
اسمعي اللي حصل حصل بس أنا مش همشي وأسيب بنتي هنا.
زهرة
وأنا مش هسيبها تروح مع واحد معرفوش.
جواد ابتسم ابتسامة غامضة
يبقى الحل سهل
سكت لحظة وبعدين قال
تيجي إنتي كمان.
زهرة هزت راسها بعناد
مستحيل.
جواد اتنهد وبعدين طلع موبايله
تمام.
ضغط على رقم وقال بهدوء
خمس دقايق وتكون العربية جاهزة قدام العمارة.
زهرة اتوترت
إنت بتعمل إيه؟!
قفل المكالمة وبص لها
بديكي فرصة تمشي برجلك بدل ما أضطر أخدك غصب.
زهرة قامت بالعافية من على السرير
مش هتقدر.
جواد قرب منها جدًا
لدرجة إن أنفاسهم بقت قريبة
جربي.
ليلى بدأت تعيط

ماما أنا خايفة
جواد قلبه وجعه
راح لها بسرعة وشالها
خلاص خلاص محدش هيزعلك.
بص لزهرة
صوته بقى أهدى بكتير
أنا مش عدوك يا زهرة أنا أبوها.
زهرة دموعها نزلت
بس عنادها لسه موجود
بس أنا أمها ومش هفرط فيها.
ثواني
والتوتر بيزيد
وفجأة
زهرة وقعت.
جواد اتخض وجري عليها
زهرة!
ليلى صرخت
مامااا!
جواد شالها بسرعة
حس بحرارتها جسمها سخن بشكل مخيف.
بص لليلى
هي كده بقالها قد إيه؟!
ليلى وهي بتعيط
من امبارح بس كانت بتقول هتبقى كويسة
جواد شد على سنانه
الغضب اتحول لخوف حقيقي
غبية
بس الكلمة طلعت بوجع مش إهانة.
شال زهرة بإيده
وبص للسواق اللي وصل تحت
افتح الباب بسرعة!
نزل بيها والمطر لسه نازل بغزارة
ليلى مسكة في هدومه ومش سايباه.
حط زهرة في العربية بحذر
وقعد جنبها ساند راسها على إيده.

همس بصوت واطي جدًا
مش هتموتي فاهمة؟ مش بعد ما لقيتك.
العربية اتحركت بسرعة
ليلى بصت له بخوف
ماما هتخف؟
جواد بص لها
وبص لزهرة
وقلبه لأول مرة مليان رعب حقيقي.
هتخف ان شاء الله .
وشد إيده على إيد زهرة
كأنه خايف تختفي منه تاني.
وبين صوت المطر
بدأت حكاية جديدة
مش فيها كبرياء
بس
لكن فيها خوف وحب بيتولد غصب عن الكل.
الفصل الاخير
العربية وقفت قدام مستشفى خاصة فخمة
جواد نزل بسرعة، شايل زهرة بين إيديه كأنها روحه مش بس جسمها.
الدكتور فورًا!