فتاة بورسعيد

يعني ايه بنت تروح زيارة لأهل خطيبها مع أمها يصحوا يلاقوهابأبـ ـشع طريقه؟!

فاطمه ياسر خليل 26 سنة من بورسعيد , معروف عنها أنها بنت نسمة وهاديه مؤدبه جدآ، أتخطبت في شهر 11 الي فات من واحد من نفس المحافظه من قرية بحر البقر منطقة الجناين , فاطمه من أسره محترمه ومعروف عنهم أنهم ناس غلابه وفحالهم , بطبيعه حال رمضان والعزومات , عزموا أهل خطيب فاطمه أول يومين في رمضان ,

فـ أهل خطيبها حبوا يردوا العزومه وعزموهم بالفعل 3 يوم رمضان , بس أبو فاطمه تعثر وأعتذر بسبب شغله ومراحش معاهم , فـ أم فاطمه خدت بنتها وراحوا و الدنيا مشيت طبيعي واليوم خلص , بس هما وماشيين كان الوقت اتأخر فا الأب قالهم مش هينفع تنزلوا دلوقتي مفيش مواصلات خليكم لتاني يوم وأنا هجيلكم عالفطار ونروح مع بعض

وبالفعل الكل أتسحر ودخلوا يناموا , تاني يوم الساعة 8 الصبح بنت أخت خطيب فاطمه عدت عليهم وراحت قعدت معا فاطمه وطلبت منها أنهم ينزلوا مع بعض علشان يتمشوا ويجيبوا شوية حاجات , ونزلوا ولكن بعدها بكام ساعة بنت أخت خطيبها دي رجعت لوحدها , أم فاطمه صحيت بتسأل هي فاطمه فين؟! قالولها نايمه جوه ، دخلت تبص عليها لقيتها نايمه فعلآ , عدي وقت والأم ابتدت تقلق وقالت بنتي مبتنامش كل ده وسألت تاني هي فاطمه كل ده نايمه اما ادخل أشوفها , قريبتهم دي منعتها فالأول وقالتلها سبيها عادي , ولكن الأم أصرت

وكانت الصدمه لما دخلت واكتشفت أن الموجود ده مش فاطمه ، دول شويه بطاطين ملفوفه ع بعض علي شكل بني أدم نايم , الأم اتوترت وقالت بنتي فين؟ وفضلت تزعق وتدور في كل مكان ونادت علي خطيبها قالتله شوف خطيبتك فين بنتي مستحيل تروح مكان من غير ماتقولي!

فالأم جه في بالها أنها تطلع تبص عالشقه الي بتتشطب فوقهم والي المفروض فاطمه هتتجوز فيها وبالرغم أن خطيبها وقريبته منعوها فالبدايه بس طلعت , وأول مدخلت لقيت بنتها مرميه عالأرض جـ ـثه هامده وكان وشها كله وارم وأسنانها وبوقها كلهم د..م وفيه أثار جـ ـروح في جسمها , والأفجع أنهم لقيوا رقبتها مكـ ـسوره!

الأم فضلت تصرخ ” بنتي! بنتي عملتوا فيها ايه! ” وابتدي الصوت يعلي والزعاق يزيد مابينهم وكلهم بينكروا أنهم ميعرفوش حاجه وكل ده فاكرينها نايمه! بس بعد مالناس أتلموا أكدوا أنهم شافوها نازله مع البنت قريبه خطيبها , والأم أتهمت خطيبها وأهله رسميًا في محضر رسمي

وتم أخطار قوات الأمن , وتم تحرير محضر بالواقعه ووجه مدير أمن بورسعيد بتشكيل فريق بحث جنائي لكشف ملابسات الجـ ـريمه ومعرفه ما حدث لفاطمه الي أتقـ ـتلت في ظروف غامضه! الواقعة حصلت في يوم من رمضان ولسه لحد الأن النيابة متحفظة علي جثـ ـة فاطمه فالمشرحه وصدر تقرير طب شرعي أولي وذكر فيه أن فاطمه عذراء ولم يتم المساس بها ده غير أنهم لقيوا متعلقاتها الشخصيه معاها بمسرح الجـ ـريمه يعني مفيش اي شبه اغـ ـتصا.ب أو سرقة ، ةجاري أستكمال التحقيق مع أسره خطيب فاطمه لحد الوقت الي بتشوف فيه البوست ده

راحت تزور أهل خطيبها إلي هما المفروض أهلها التانيين ولكن كان مصيرها مأسـ.ـاوي!

💔🤲