مازن

الشاب دا اسمه مازن.. من القناطر الخيرية وحصلت معاه قصة من اغرب القصص اللي ممكن تحصل لحد..
يوم الاتنين بالليل… قال لابوه انا هروح ابات عند ستي ام خالد.. قاله روح.. وساب امه وابوه واخواته الاتنين ومشي.. وهو نازل قابله عربية ميكروباص.. قالوله تعرف بيت فلان.. قاله اه دا ابويا.. قاله طيب دلنا على البيت.. وصلهم ودخلهم البيت ومشي راح لسته.. بيت عندها.. والتلات الصبح راح عند خالته… تاكل يا حبيبي قالها فطرت عند ستي ام خالد.. انا عايز اتفرج ع التلفزيون.. شغلتله التلفزيون…
خالته تتصل بامه محدش بيرد.. قلقت… فقالتله يا مازن انا رايحة لامك برن عليها ما بتردش… قالها طيب استني اجي معاكي… خبطوا كتير محدش رد.. راحوا جابوا سلم.. وطلع مازن على الشباك فتح الشباك.. وبدأ يصرخ امي وابويا واخواتي اتقتلوا..
الام شغالة سجانة في سجن القطر، وابنها محمد 19 سنة، وابنها الصغير 11 سنة، والاب كلهم جنب بعض.. مفيش اثار لاي نف.. مفيش سرقة.. مفيش مقاومة.. فالشرطة قالت اكيد اللي قبغرض الاقام واكيد هما عارفينه… لان لو دا شخص غريب ليه الأربعة هيقابلوه في نفس المكان.. وصعب حد أربعة صاحيين بدون أي مقاومة..
تعالي يا مازن يا حبيبي.. قالهم والله انا روحت ابات عند ستي ام خالد.. بس وانا ماشي قابلني واحد راكب ميكروباص ومعاه أربعة سالوني على ابويا.. ووصلتهم ليه.. طيب اوصاف الميكروباص.. مالوش اوصاف.. طيب نمرته كام.. مش مركب نمر.. طيب اوصفلنا السواق قعد يقول تخين ومليان.. ومعاه 3… كلام عام ينطبق على كل سكان القليوبية..
عملوا رفع للبصمات.. كل البصمات عادية للاب والام والاخوات.. نستجوب مازن تاني.. مازن متماسك.. روايته متماسكة.. معلوماته ما بتتغيرش مفيش أي مشكلة في كلامه.. طيب يكون مين.. الباب ما اتكسرش.. الشبابيك سليمة.. مفيش سرقة لان الدهب والفلوس زي ما هي.. الضحايا مقاوموش..
خدوا مازن وفضلوا يلفوا على المواقف يمكن يلاقوا السيارة اللي شاف فيها الأربعة.. مفيش.. عملوا اكمنة على مداخل ومخارج البلد برضه مفيش.. 5 أيام كلها لف على الميكروباصات.
الام سجانة في سجن القناطر.. فلازم نسال كل السجانين اللي معاها.. والمساجين يمكن يكون فييه خلاف معاهم مع حد وقرر ينتقم منها…. الاب كان شغال في مجال المقاولات وسمسرة الأراضي… فراجعوا كل العمليات الأخيرة اللي عملها ممكن يكون حد حب يكيد ليه.. فانت عندك شبكة علاقات متشعبة ومتداخلة كبيرة جدا.. الفكرة انهم لقوا خلافات للزوجة مع بعض المساجين.. وخلافات للزوج مع ناس سماسرة بسبب أراضي.. فاتعمل فحص لخط سير كل اللي جات رجلهم في الخلافات ومفيش حد دخل منطقة …
طيب هنرجع تاني نفتش في مسرح الجريمة.. يمكن نلاقي حاجة.. لقوا روشتة تاريخها سنة 1993.. لدكتور امراض نفسية وعصبية كاتب فيها ادوية لمازن الناجي الوحيد من الحادثة.. وجواب تحويل لمستشفى للامراض النفسية والعصبية..
مازن وهو 5 سنين كان فوق السطح وقع من عالسطح عالارض.. حصله ارتجاج في المخ.. وفضل يتعالج وبعدين اتعرض على أطباء نفسيين.. واتشخص انه شخص سيكوباتي.. بما يعني انعدام التعاطف مع الاخرين، والقسوة، والاستغلال المستمر للآخرين، وغياب الشعور بالندم أو الضمير، يبحث عن اللذة ولا يتحمل المسئولية نهائيا.. وعنده تبلد.. واي جريمة يرتكبها لا يشعر بالندم بعدها..
اعادوا تركيب القصة من البداية ان مفيش ميكروباص قابله أصلا.. لان مفيش أي بصمات في الشقة غير بصمات ابوه وامه واخواته.. وراجعوا خط السير اللي قاله طلع مراحش لسته ام خالد.. الطبيعي انك لما تجيب شخص وتواجهه بالادلة.. لاما بينهار لاما بينكر.. هنا مازن ولا انهار ولا انكر هو قال انا وحكي القصة عادي جدا بدون أي انكار.. ليه عملت كدا.. كنت بكرههم… طيب ارتحت لما عملت كدا اه ارتحت جدا.. طيب هل الكره اللي جواك ناحيتهم يساوي اللي انت عملته.. اه يساوي..
طيب عملت كدا ازاي؟
انا كنت بجيب كيس شعرية.. اتخيلت اني بق**تل امي واخواتي.. وقررت اني اعمل كدا.. جبت السك**ينة وسنيتها عند الراجل… وحطيتها مطرحها.. لحد ما جه يوم الاتنين.. اخدت الدرس انا واخواتي.. خلصنا الدرس.. بعدين راحوا عند خالتي ماجدة وسابوني في البيت.. حلمت اني حطيت السكينة تحت المرتبة.. وروحت نزلت روحتلهم عند خالتي ماجدة لقيتهم نازلين.. روحنا جيبنا عيش فينو.. ومفيش أي حاجة.. نمت في الصالة.. بالليل ماما راحت اتوضت وجات تصلي جنبي.. وهي بتصلي روحت طاعن**ها..
ابويا جه وراها روحت طاع*نه.. اخويا بندق الصغير صحي محمد يشوف في ايه.. قالولي في ايه.. خبيت السكينة ورا ضهري.. قلتله ما عرفش يا حمادة شوف في ايه.. طالع يشوف في ايه.. روحن ضاربه بالسك**ينة.. بندق (11 سنة) شافني.. فضل يجري وبيعيط. روحت راجع لحمادة لقيته بيقولي هات السك**ينة يا بني… روحت في صدره وفي بطنه… بعد ما ضربتهم كلهم.. لقيت بندق هيفتح الباب.. قلتله تعالي يا بندق.. مسكته من ايده في بطنه وصدره.. راح وقع.
بيقول ان دي مش اول مرة انا جبت س**م وحطيتلهم في الشاي والملوخية والبامية بس مماتوش… فكرهتهم اكتر..
لو فيه درس مستفاد من القصة انك ما تستهونش بالمرض النفسي.. الولد اتشخص نفسي واتعمله تحويل للمستشفى لكن اهله ما وداهوش المستشفى.. ودي كانت النتيجة.. الحاجة التانية ان الولد دخل تعليم مهني بسبب قدراته العق**لية لانه طول فترة تعليمه ما اتعلمش لا يقرا ولا يكتب.. فابوه واخواته بيقوا ينادوه بالمجن**ون والعب**يط..
طيب مين اكتر حد حبيته في حياتك.. ستي ام خالد.. اللي هي ام امك ولا ام ابوك.. ولا دا .. دي ست في الشارع بتعطف عليه من وهو صغير فهو بيحبها ويقولها يا ستي… وهي الوحيدة اللي كانت بتحبه فمحدش كان بيعارض انه يروحلها ويبات عندها..




