بدفع إيجار ببلاش والحقيقة..
مرتبة فوق بعض بعناية كأنها ملفات مهمة
ولا شيك فيهم متصرف
ولا واحد عليه ختم بنك
ولا حتى اتني
تحت الشيكات كان فيه ظرف أبيض كبير
عم محمود قال بصوت هادي
افتحيه
طلعت منه مجموعة صور قديمة باهتة
أول صورة كانت لبنت صغيرة واقفة قدام نفس البيت الأزرق
لابسة فستان أبيض وماسكة عروسة قماش
فضلت أبص للصورة وأنا حاسة إني شفت البنت دي قبل كده
لكن معرفتش فين
الصورة التانية كانت لنفس البنت وهي كبرت شوية واقفة جنب عربية قديمة
والصورة التالتة كانت ليها وهي شايلة طفلة رضيعة
بصيت له باستغراب وقلت
مين دي
ابتسم لأول مرة من يوم عرفته وقال
دي بنتي
وسكت تاني
استنيت يكمل
قال بعد لحظات
اسمها نجلاء
كانت كل حياتي
كانت زيك بالظبط
مطلقة وعندها بنت صغيرة وكانت بتبدأ من الصفر
الكلمة دي خلت جسمي يقشعر
بصيت على الصور تاني
فعلاً كان فيه شبه غريب بينا
مش في الشكل
في التعب اللي ظاهر في العينين
وفي طريقة الوقفة
قال وهو باصص بعيد
قبل تلاتاشر سنة كانت كل أول شهر تجيبلي الإيجار بنفس الطريقة وتحط الظرف تحت الباب وتكسف تدخل تقعد معايا عشان تحسسني إنها مستقلة
أنا كنت بسيب الفلوس زي ما هي وأرجع أديهالها بأي حجة لما تتزنق
كانت تزعل وتقولي أنا مش عايزة صدقة
وأقول لها دي فلوسك انتي نسيتيها
فضلت كده لحد ما وقفت على رجليها
سكت لحظة ومسح دمعة نزلت على خده
وبعدين جه اليوم اللي خرجت فيه هي وبنتها بالعربية
وسواق نقل كان بيجري
ومن يومها البيت بقى فاضي
الكلمات نزلت عليا كأنها حجر
ماعرفتش أقول أي حاجة
كل اللي قدرت أعمله إني بصيت لبنته في الصور وبعدين بصيت لبنتي اللي كانت واقفة في الجنينة بتجري ورا فراشة وهي بتضحك
قال بصوت مكسور
أول يوم شفت بنتك واقفة وراكي وهي ماسكة طرف هدومك حسيت إن ربنا رجعلي فرصة كنت فاكر إنها ضاعت للأبد
عشان كده ماقدرتش آخد منك الإيجار
كنت عارف إنك محتاجة كل جنيه
قلت له وأنا دموعي نازلة
بس ده حقك
هز راسه وقال
حق البيت اتدفع من سنين
الكلمة دي وقفتني
استغربت وقلت
إزاي يعني
بصلي وقال
في حاجة لازم تعرفيها عن البيت ده
الحقيقة إن البيت مش بتاعي أصلاً
وأول ما قال الجملة دي سمعنا صوت عربية كبيرة وقفت قدام البوابة الحديد
وبعد ثواني اتفتح الباب الخارجي بعنف ودخل تلات رجالة لابسين بدل ومعاهم ملفات كتير
