رجعت من سفرية شغل لقيت

هو قال إنها هتاخد مرتب كويس!
وهنا سألتها
مرتب؟
سكتت.
قربت منها خطوة.
مين هياخد مرتب ملك؟
ما ردتش.
لكن نظرتها راحت ناحية أخو جوزي.
وهنا فهمت.
بصيتله.
الفلوس كانت لمين؟
قال بسرعة
إنتِ فاهمة غلط.
بسألك سؤال… الفلوس كانت لمين؟
الظابط طلب منه يجاوب.
وبعد ضغط، مرات أخو جوزيهي اللي قالت
كان فيه مقدم.
اتسمرت.
مقدم إيه؟
قالت بصوت منخفض
فتحي دفع لماما 12 ألف جنيه مقدم مقابل إن ملك تشتغل عندهم طول الإجازة.
ثواني…
ماقدرتش أتكلم.
بصيت لحماتي.
إنتِ… أخدتي فلوس مقابل شغل بنتي؟
قالت بسرعة
وهيروحوا لمين يعني؟ للعيلة!
ضحكت.
لكن المرة دي ضحكتي كانت من الصدمة.
عشان ابنك ومراته وابنهم يقعدوا في أوضة بنتي… بعتي بنتي تشتغل، وأخدتي مقدم مرتبها؟
حماتي ردت بمنتهى الثقة
ما هو حفيدي محتاج مصاريف!
ساعتها حتى أفراد الشرطة بصوا لبعض.
قلت للظابط
أنا عايزة بنتي دلوقتي.
بدأوا ياخدوا البيانات ورقم الراجل.
ولما حماتي رفضت في الأول تديهم رقم فتحي، الظابط قال لها بوضوح إن إخفاء مكان قاصر في الظروف دي مش حاجة بسيطة.
في أقل من دقيقة…
طلعت الرقم.
اتصلوا بفتحي.
أول مرة ما ردش.
تاني مرة قفل الخط.
تالت مرة…
موبايله اتقفل.
وهنا الظابط قال لزميله
اتحرك.
بصيتله
أنا جاية معاكم.
قال
اتفضلي.
كنت خارجة من الباب لما حماتي مسكت دراعي
نهى! وإحنا؟!
لفيت وبصيتلها.
مالكم؟
قالت بصدمة
هنقعد فين؟!
بصيت ناحية الشقة.
دي أكتر حاجة شاغلاكي دلوقتي؟
وبعدين شلت إيدها من على دراعي وقلت
قبل ما أرجع، تكونوا لمّيتوا حاجتكم.
لأن وجودكم في بيتي انتهى.
5
بعد حوالي 40 دقيقة، وصلنا لمنطقة صناعية في أطراف المدينة.
مصانع ومخازن وورش في كل ناحية.
الشرطة كانت قدرت توصل لعنوان المكان من بيانات مرتبطة برقم فتحي.
لما العربية وقفت قدام المصنع…
قلبي اتقبض.
المكان ماكانش شبه أي مكان كنت أتخيل بنتي فيه.
مبنى قديم، بوابة حديد كبيرة، وصوت ماكينات عالي خارج من جوه.
دخلنا.
واحد من المشرفين حاول يمنعنا، لكن أول ما شاف الشرطة اتراجع.
قلت
بنت اسمها ملك سامح منصور… وصلت هنا من 3 أيام. فين؟
الراجل بص في ورق عنده.
وقال
ملك؟
قلب صفحتين.
آه… موجودة.
نفسي رجعلي للحظة.
قلت
فين؟!
لكنه قال
في الدور التاني.
جريت ناحية السلم.
ولما طلعت…
شوفت صف طويل من البنات والستات قاعدين قدام ماكينات خياطة.
فضلت أدور بعيني.
واحدة…
اتنين…
عشرة…
وفجأة شوفتها.
ملك.
كانت قاعدة في

آخر الصف.
شعرها مربوط، ووشها مرهق، وصباعين من إيدها عليهم لاصق طبي.
صرخت
ملك!
رفعت راسها.
أول ما شافتني…
وقفت مكانها كأنها مش مصدقة.
وبعدين جريت عليا.
ماما!
وانفجرت في العياط.
ماما خديني من هنا!
خلاص… خلاص يا حبيبتي، أنا جيت.
لكنها كانت بتترعش.
قلت
عملوا فيكي حاجة؟
هزت راسها بسرعة
لأ… بس كانوا مش راضيين يخلوني أمشي.
بصيتلها.
يعني إيه؟
قالت وهي بتمسح دموعها
أول يوم قلت لهم إني مش عايزة أشتغل وإن ماما متعرفش إني هنا.
المشرف كلّم الراجل اللي جابني، وبعدها قالي إن جدتي واخدة فلوس مقدّم وإن لازم أكمل المدة.
حسيت النار ولعت جوايا.
سألتها
ليه ما كلمتنيش؟
بصت للأرض.
تيتة أخدت مني الموبايل قبل ما الراجل ياخدني.
وقالتلي لما أتعلم الأدب هترجعهولي.
وفي اللحظة دي، واحد من أفراد الشرطة بدأ يسأل مسؤول المكان عن أوراق تشغيلها وسنها وطريقة استلامها.
ومع كل سؤال…
وش الراجل كان بيتغير.
لأن ملك ماكانش معاها عقد.
ولا موافقة ولي أمر قانونية.
ولا حتى إثبات إن أمها تعرف مكانها.
بعد ما الإجراءات الأولية خلصت، أخدت بنتي ومشينا.
في العربية، ملك كانت ماسكة إيدي بإيديها الاتنين.
بعد شوية سألتني
ماما… إحنا راجعين البيت؟
بصيتلها.
آه.
سكتت لحظة وبعدين قالت
هما لسه هناك؟
فهمت فورًا مين تقصد.
قلت
مش لمدة طويلة.
6
لما رجعنا…
لقيت المفاجأة.
سامح كان وصل.
وأول ما دخلت أنا وملك، قام من الكنبة.
بص لبنته ثانيتين، لكنه بدل ما يجري عليها ويسألها حصل لها إيه…
بصلي أنا وقال
إنتِ فعلًا خدتي الشرطة ورحتي المصنع؟!
وقفت مكاني.
حتى ملك بصت لأبوها بصدمة.
قلت
أيوه.
ضرب كف بكف
فضحتينا!
ساعتها ملك سابت إيدي.
بصت لأبوها وقالت
بابا…
لف ناحيتها.
قالت
إنت عارف إنهم أخدوني؟
سكت.
ملك كررت
كنت عارف؟
قال بتوتر
يا ملك، الموضوع مش بالشكل اللي إنتِ فاهماه.
تيتة قالتلي إنك موافق.
سامح بص لأمه.
وأمه بسرعة قالت
أنا قلت إنك أكيد مش هتعترض!
ملك سألت أبوها
ولما ماما كلمتك… عرفت إني في مصنع؟
قال
عرفت إنك بتشتغلي، لكن…
وسألتهم أنا فين؟
سامح سكت.