عام
حركه حكايات اسما السيد 2
أخدنا صور.
أكلنا.
رقصنا بطريقة كارثية.
وفي نص الحفلة، شغّلوا أغنية بطيئة.
بصلي وقال:
— لأ.
قلت:
— إيه؟
— أنا من وأنا عندي ست سنين قلت مفيش أغاني بطيئة.
ضحكت.
— تعالى.
— مش بعرف.
— وأنا كمان.
مسكت إيده.
نزلنا نرقص.
كان متوتر جدًا.
قلت:
— إنت بتدوس على رجلي.
قال:
— إنتِ اللي حاطة رجلك غلط.
— آه طبعًا.
وبعدين سكتنا.
حواليّ الناس كلها اختفت للحظة.
قلت:
— أنا فاكرة الكوباية.
قال:
— إيه؟
— شوكولاتة سخنة.
وشه اتغير.
قلت:
— في بيتكم.
سكت.
— بدأت أفتكر حاجات صغيرة من اليوم ده.
قال بهدوء:
— مش لازم تفتكري.
— كنت خايف؟
قال:
— أيوه.
— عليا؟
هز راسه.
— كنتِ بتعيطي.
قلت:
— وإنت كان عندك سبع سنين.
ابتسم.
— كنت كبير.
ضحكت.
— جدًا.
